LATEST NEWS
MURI AFURIKA
Banki y’abaturage ya kabuga yibwe Amafaranga menshi ataramenyekana umubare wayo bibye
Publish Date: samedi 15 avril 2017
VISITS :735
By Admin

Mu ijoro ryo kuri uyu wa Gatanu tariki 14 rishyira kuwa Gatandatu tariki 15 Mata 2017, banki y’abaturage ya Kabuga iherereye mu karere ka Gasabo mu mujyi wa Kigali, yatewe n’abajura bayiba amamiliyoni menshi ariko uburyo ubwo bujura bwakozwemo byabereye abaturage benshi amayobera.

Bamwe mu baturage baturiye banki y’abaturage ya Kabuga baganiriye n’Itangazamakuru, bavuga ko batunguwe no kumva mu masaha ya mugitondo cyo kuri uyu wa Gatandatu bivugwa ko iyi banki yibwe nyamara yari ifite abazamu bakaba batigeze banavuza induru ngo batabaze abaturage. Umwe muri aba unafite konti muri iyi banki, avuga ko ari amayobera, akavuga ko hari igishobora kuba kibyihishe inyuma.

Umwe mu bakozi ba banki y’abaturage ya Kabuga, utashatse ko amazina ye atangazwa, yabwiye Itangazamakuru ko amafaranga yibwe abarirwa mu mamiliyoni menshi n’ubwo kugeza ubu umubare nyawo utaremezwa.

Ku ruhande rwa Polisi y’u Rwanda, SP Hitayezu Emmanuel, umuvugizi wa Polisi mu mujyi wa Kigali, ashimangira ko ubu bujura bwabayeho ariko avuga ko ingano y’amafaranga yibwe itaramenyekana kuko iperereza rya Polisi ryatangiye ngo hatahurwe amakuru yose ajyanye n’ibyabaye.

SP Hitayezu avuga ko abajura baciye mu idirishya rya banki, bakica ibyuma byo muri iryo dirishya (grillages) hanyuma bakinjiramo imbere bakamena umutamenwa (coffre fort) ubundi bakibamo amafaranga ataramenyekana umubare kugeza ubu. Uyu muvugizi wa Polisi kandi avuga ko ubu bujura bwabaye ninjoro ariko bukamenyekana mu gitondo.

Mu gihe abaturage bibaza uburyo banki ifite abarinzi yibwe ninjoro bikamenyekana mu gitondo, SP Hitayezu Emmanuel asobanura ko abajura baciye ku ruhande rw’inyuma mu gihe abazamu basanzwe barinda iyi banki bo bari ku rundi ruhande rw’imbere.

SP Hitayezu Emmanuel, Umuvugizi wa Polisi y’u Rwanda mu mujyi wa Kigali

IBITEKEREZO

TANGA IGITEKEREZO

Kwamamaza
Kwamamaza
Also in this section
Impuguke za Loni zemeje ko nta gatege abahoze muri M23 basubiye muri RDC bafite

Impuguke za Loni zemeje ko nta gatege abahoze muri M23 basubiye muri RDC...

Police yashubije umuhinde miliyoni 13 Frw yibwe n’umukozi we

Police yashubije umuhinde miliyoni 13 Frw yibwe n’umukozi we

Igitaramo cy’Imbaturamugabo kiswe ‘Kigali Intsinzi Concert’ kirategurwa mu marembo ya Stade amahoro

Igitaramo cy’Imbaturamugabo kiswe ‘Kigali Intsinzi Concert’ kirategurwa mu...

Polisi yasabye Abanyarwanda kuzagaragaza umutuzo mu gihe cy’irahira rya Perezida Kagame

Polisi yasabye Abanyarwanda kuzagaragaza umutuzo mu gihe cy’irahira rya...

Abayobozi b’ibihugu barenga 20, n’Abaturage basaga ibihumbi 25 bazitabira irahira rya Perezida Kagame

Abayobozi b’ibihugu barenga 20, n’Abaturage basaga ibihumbi 25 bazitabira...

NEW POSTS
Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...

Umunyarwanda akurikiranyweho kubeshya inzego za Amerika asaba ubuhungiro

9-08-2017

Umunyarwanda akurikiranyweho kubeshya inzego za Amerika asaba...