LATEST NEWS
MURI AFURIKA
Gatsibo : Yafashwe yiba agirwa intere, ise ategekwa kugurisha isambu ye ngo amwishyurire
Publish Date: samedi 13 mai 2017
VISITS :457
By Admin

Nzabakiriraho Félicien ntiyiyumvisha uko ategekwa kugurisha isambu ye ngo yishyurire umwana we wafatiwe mu cyuho yiba iduka yarariraga.

Ubuyobozi bw’umudugudu ngo bwamwemeje ku ngufu ko isambu ye ayigurisha ngo yishyure amafaranga ibihumbi 200 Ndahayo Samuel yibye mu bihe bitandukanye.

Nzibaza, umucuruzi wo muri ako gace, mu Kagari ka Nyabisindu mu Murenge wa Kiramuruzi, ni we watanze amafaranga yagombaga kwishyurwa, atayasubizwa ejo akegukana iyo sambu.

Nzabakiriho avuga ko abayobozi b’imidugudu ya Nyagasambu na Karaba n’abashinzwe umutekano, bamukinguje mu ma saa kumi z’igitondo bamuzaniye umwana we bamugize intere.

“Bamunzaniye ngo yibye, bakaba bamuhondaguye bamugize intere, baraza bafata ubutaka bwanjye barabugurisha, n’igare ry’uwo mwana baba bararijyanye.”

Nzabakiriho akomeza agira ati “Nzibaza arambwira ngo angurize amafaranga ibihumbi 150 hanyuma nkazayamuha ejo nkamwungukira ibihumbi 20, bafata na rya gare rya wa mwana na ryo bararifite, na telefone ye bayimwambuye barayifite.”

Uyu mugabo avuga ko nta bushobozi afite bwo kwishyura ayo mafaranga yatanzwe na Nzibaza, akavuga ko yibaza uko azatunga umuryango Nzibaza namara gutwara iyo sambu bikamushobera.

Ati “Ubundi uwo mwana niba yibye bakagombye kumujyana mu butabera aho kuntwarira isambu, ariko ntaho bamujyanye babirangirije hano mu mudugudu, iyo sambu ubu iri mu maboko ya Nzibaza ngo ejo nzamwishyura ibihumbi 170, nintayabona ngo isambu azaba ayegukanye.”

Ndahayo Samuel ngo yemera ko yibye ndetse ko atari bwo bwa mbere yari yibye iri duka yarariraga, iri joro akaba yafashwe yibye amafaranga ise umubyara avuga ko ari 3500 ariko umuyobozi w’umudugudu wa Nyagasambu akavuga ko ari 3750.

Mugabo Théoneste uyobora umudugudu wa Nyagasambu avuga ko muri iryo duka bahasanze umwobo Samuel yari yaracukuye mu rukuta, agafata inkoni iziritseho ka rukuruzi yohereza mu cyumba kirimo amafaranga agakurura ibiceri.

Avuga ko bene iduka barishinze ku nguzanyo ya banki, bityo isambu ya se w’uwafashwe yiba ikaba igomba kugurishwa ngo hishyurwe ibyibwe, cyane ko uwo musore w’imyaka 18 yemera ko atari bwo bwa mbere yari yibye iri duka ndetse na se akaba ngo yemeye kwishyurira umwana we nta gahato.

Mu gihe Mugabo avuga ko Nzabakiriraho yemeye gutanga isambu ye atabihatiwe, uyu musaza yahamirije Izubarirashe.rw ko nta kuntu yagurisha isambu atagira indi, avuga ko yabihatiwe n’abayobozi b’imidugudu n’abashinzwe umutekano muri iyo midugudu ya Nyagasambu na Kiraba, ndetse ko yabyemeye ubwo bamwukaga inabi bashaka no kumukubita, akavuga ko isambu ye itanakwiye amafaranga ibihumbi 200 bayigeneye.

Nyuma yo kumva ibivugwa n’impande zombi, twavuganye n’umuyobozi w’Akarere ka Gatsibo wungirije ushinzwe ubukungu, Manzi Théogene, asa n’uguye mu kantu, ati “ibyo ntibishoboka !”

Manzi avuga ko ubuyobozi bw’akarere budashobora gushyigikira ko ikibazo gikemurwa mu buryo butanyuze mu mategeko, ati “Ibyo ntabwo bikwiriye, umuyobozi w’umudugudu ashobora kwibeshya agatandukira atyo ariko ntabwo bishoboka ko byakorwa gutyo.”

Yasabye umunyamakuru kumuha agahe gato ngo abanze abaze amakuru neza, mu kanya agaruka agira ati “Ibyo wavugaga ni byo ariko turabihagarika, biriya ntibyemewe, n’umunyamabanga nshingwabikorwa w’umurenge turavuganye, uwo muturage agomba gusubizwa isambu ye.”

Muri uyu mudugudu wa Nyagasambu, bivugwa ko mu bihe byashize hari indi sambu yagurishijwe muri ubu buryo ngo hishyurwe ibyibwe, uwayiguze aza kwihombere nyuma y’aho ubuyobozi bwo hejuru bubimenyeye bugatesha agaciro ubwo bugure.

IBITEKEREZO

TANGA IGITEKEREZO

Kwamamaza
Kwamamaza
Also in this section
Impuguke za Loni zemeje ko nta gatege abahoze muri M23 basubiye muri RDC bafite

Impuguke za Loni zemeje ko nta gatege abahoze muri M23 basubiye muri RDC...

Police yashubije umuhinde miliyoni 13 Frw yibwe n’umukozi we

Police yashubije umuhinde miliyoni 13 Frw yibwe n’umukozi we

Igitaramo cy’Imbaturamugabo kiswe ‘Kigali Intsinzi Concert’ kirategurwa mu marembo ya Stade amahoro

Igitaramo cy’Imbaturamugabo kiswe ‘Kigali Intsinzi Concert’ kirategurwa mu...

Polisi yasabye Abanyarwanda kuzagaragaza umutuzo mu gihe cy’irahira rya Perezida Kagame

Polisi yasabye Abanyarwanda kuzagaragaza umutuzo mu gihe cy’irahira rya...

Abayobozi b’ibihugu barenga 20, n’Abaturage basaga ibihumbi 25 bazitabira irahira rya Perezida Kagame

Abayobozi b’ibihugu barenga 20, n’Abaturage basaga ibihumbi 25 bazitabira...

NEW POSTS
Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...

Umunyarwanda akurikiranyweho kubeshya inzego za Amerika asaba ubuhungiro

9-08-2017

Umunyarwanda akurikiranyweho kubeshya inzego za Amerika asaba...