LATEST NEWS
MURI AFURIKA
Impuguke za Loni zemeje ko nta gatege abahoze muri M23 basubiye muri RDC bafite
Publish Date: jeudi 17 août 2017
VISITS :1156
By Admin

Raporo y’impuguke za Loni yashyizwe ahagaragara ku Cyumweru, tariki ya 13 Kanama 2017, ariko igomba kumurikirwa Akanama gashinzwe umutekano k’Umuryango w’Abibumbye kuri uyu wa Kabiri, yahishuye ko abari abarwanyi ba M23 baherutse gusubira muri Congo nta ntege bafite ku buryo babangamira amahoro.

Muri Mutarama 2017 nibwo abari abarwanyi ba M23 bari barahungiye muri Uganda batorotse inkambi berekeza muri Congo nyuma yo gukubitwa inshuro mu 2013. Uku gusubirayo kwateye impungenge mu Burasirazuba, hatangira gukekwa ko igiye kubura umutwe.

Nubwo hari ababitekerezaga gutyo, raporo nshya y’impuguke za Loni yakozwe ku ntambara zo muri Congo, yerekana ko kurangiza ikibazo cya M23 bidasaba imbaraga za gisirikare ahubwo hakenewe imbaraga za politiki, dore ko nta ntege aba barwanyi bagifite.

Kuwa 12 Gicurasi 2017, impuguke ebyiri za Loni kuri RDC, Umunyamerika Michael Sharp n’Umunya Suede Zaida Catalán, bishwe bari mu kazi k’iperereza ku nyeshamba za Kamuina Nsapu. Ariko bagenzi be bakomeje akazi, akaba ari bo basohoye raporo.

Mu byo iyi raporo ivuga kuri M23, yibutsa ko umutwe w’Abanye- Congo bavuga Ikinyarwanda wigeze kwigarurira Goma muri 2012 ukaza gukubitwa inshuro ugahungana n’umuyobozi wawo Gen Sultani Makenga. Nyuma muri Mutarama 2017, ababarirwa muri 200 bongeye gusubira muri Congo bayobowe na Makenga.

Raporo igaragaza ko kongera kubyutsa umutwe nta mbaraga byari bifite, kandi ko mu gihe izi mpuguke zakoraga ubushakashatsi, zasanze bafite imbunda nke cyane kandi “nta cyerekana ko hari ubufasha buturuka ahandi ufite.”

Abo izi mpuguke zavugishije bemeje ko basubiye muri Congo batorotse inkambi ya Bihanga muri Uganda. Mu barwanyi 1,375 bahageze muri 2013, hari hasigaye gusa 270 muri Gashyantare 2017 nk’uko Guverinoma ya Uganda yabitangaje.

Abenshi muri aba barwanyi bahoze muri M23 babwiye izi mpuguke ko babashije gutoroka kuko nta kugenzura abinjira n’abasohoka mu nkambi ya Bihanga. Raporo igaragaza ko mu gutoroka bafashe bisi berekeza Mbarara, mbere yo kugera mu gace ka Kisoro.

Abasirikare ba Congo Kinshasa n’abarinzi ba Pariki ya Virunga babwiye impuguke ko batari kubasha gukumira abo barwanyi kuko nta hantu hazwi ho kwinjirira. N’aba barwanyi bavuze ko banyuze inzira y’ishyamba bagera byoroshye muri RDC bahurira hafi y’ikirunga cya Sabyinyo. Muri abo harimo Gen Makenga, Lt. Colonel Léon Kanyamibwa, Col. Yusuf Mboneza na Erasto Bahati.

Bavuye kuri Sabyinyo, bakora inkambi muri Pariki ya Virunga mu Majyepfo y’ikirunga cya Mikeno, bafite ibikoresho, nta n’imyambaro ya gisirikare bafite.

Aba barwanyi bagiye bakozanyaho n’ingabo za Congo ariko bagatsindwa.

Umutwe wa M23 wavuzwe mu bihe byashize ko waterwaga inkunga n’u Rwanda na Uganda, ariko ibi bihugu byabyamaganiye kure. Nyuma yo gutsindwa kwawo, bagashyira intwaro hasi bamwe bahungiye mu Rwanda bari kumwe na Pasiteri Runiga, abandi berekeza muri Uganda bari kumwe na Gen. Sultan Makenga.

Gen Sultani Makenga wasubiranye muri Congo n’abari abarwanyi ba M23

IBITEKEREZO

TANGA IGITEKEREZO

Kwamamaza
Kwamamaza
Also in this section
Ni iki cyatumye Royal TV nayo ihagarika ibiganiro mu Rwanda

Ni iki cyatumye Royal TV nayo ihagarika ibiganiro mu Rwanda

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

’ Nzakomeza kwambara imyenda iriho ifoto ya Perezida Kagame ubuzima bwanjye...

John Mirenge wahoze ayobora RwandAir asigaye ayobora Prime Insurance Ltd

John Mirenge wahoze ayobora RwandAir asigaye ayobora Prime Insurance...

U Rwanda rwasabye iperereza ku muturage warwo wishwe n’isasu riturutse muri Congo

U Rwanda rwasabye iperereza ku muturage warwo wishwe n’isasu riturutse muri...

Abapolisi b’u Rwanda bari mu butumwa bw’amahoro muri Centrafrique bambitswe imidari y’ishimwe

Abapolisi b’u Rwanda bari mu butumwa bw’amahoro muri Centrafrique bambitswe...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...