LATEST NEWS
Mu Rwanda
Nyanza : Nyiri Hoteli yaguyemo Abanyeshuri arafunze, uwigisha koga aracyashakishwa
Publish Date: mercredi 26 juillet 2017
VISITS :1529
By Admin

Kuwa Mbere abanyeshuri babiri bo Ishuri ryisumbuye Igihozo Saint Peter barohamye muri piscine ya hoteli Dayenu iherereye mu Murenge wa Busasamana ho mu Karere ka Nyanza nkuko Polisi ibitangaza.

Abo baguye muri piscine ni Ngirinshuti Yves w’imyaka 15 na Rwabukayire Bryant w’imyaka 14 bombi biganaga mu mwaka wa gatatu muri iki kigo.

Umuvugizi wa Polisi mu Ntara y’Amajyepfo, IP Kayigi Emmanuel yabwiye Izuba Rirashe dukesha iyi nkuru ko kuwa Mbere abanyeshuri batandukanye muri iki kigo batse uruhushya ubuyobozi ngo bajye mu mujyi wa Nyanza ariko ntawavuze ko yatse uruhushya rwo kujya koga kuri iyi hoteli iherereye hafi y’iki kigo.

Umuvugizi wa Polisi mu Ntara y’Amajyepfo, IP Kayigi Emmanuel

Aba ngo batse uruhushya mu gihe bari kwitegura gutangira ibiruhuko dore ko nta masomo bari bafite ku mugoroba.

IP Kayigi yagize ati “Ahagana saa cyenda n’igice basabye uruhushya ngo bajye mu mujyi ariko ntawavuze ko ajya koga. Bagiye muri iyo hoteli rero ariko amakuru dufite ni uko umwe ashobora kuba atari azi koga cyangwe se ashobora kuba yarafashwe n’imbwa mu gihe ari koga maze mugenzi we yajya kumutabara bikanga ahubwo akamufatira bityo bombi bagahera umwuka bakiri mu mazi.”

Nyiri hoteli arafunze hamwe n’umucungamutungo wayo

Umuvugizi wa Polisi akomeza avuga ko nyiri hoteli witwa Gasana Gaspard hamwe n’umucungamutungo wayo Kabendera André bari mu maboko ya Polisi kugira ngo bafashe mu iperereza, ariko ngo ushinzwe kwigisha abantu koga witwa Shumbusho Jean-Claude we yatorotse aracyashakishwa na Polisi.

Kayigi ati “Iyo ushinzwe gufasha abantu koga iyo aba ahari ntabwo abana baba bapfuye nubwo ba nyiri hoteli bavuga ko ngo yari yahawe izindi nshingano muri icyo gihe. Ikindi ni uko abacunga iyi hoteli bahaye uburenganzira abana ngo boge kandi nta mwambaro ubarinda kurohama bambaye.”

Ngo “abandi bana bari bajyanye mu uru rugomo ni bo bavugije induru ngo batabaze nubwo ntacyo byatanze”.

IP Kayigi avuga ko Polisi yabonanye n’imiryango y’aba bana ituye i Kimironko mu mujyi wa Kigali kandi ngo habayeho kuganira hagati y’imiryango yabo n’ubuyobozi bw’ishuri bwemeye ubufasha mu gushyingura aba bana mu muhango uteganyijwe kuri uyu wa Gatatu.

Source :Izubarirashe

IBITEKEREZO

TANGA IGITEKEREZO

Kwamamaza
Kwamamaza
Also in this section
Perezida Kagame yakiriye ba Ambasaderi 11 barimo intumwa ya Papa Francis

Perezida Kagame yakiriye ba Ambasaderi 11 barimo intumwa ya Papa...

Prophet Fire [ Pastor Bosco ] avuye i Burayi ahatangije itorero Patmos ndetse ngo ibitangaza byarakoretse

Prophet Fire [ Pastor Bosco ] avuye i Burayi ahatangije itorero Patmos...

Perezida Kagame yakiriye abasenateri babiri bakomeye ba Amerika [ AMAFOTO ]

Perezida Kagame yakiriye abasenateri babiri bakomeye ba Amerika [ AMAFOTO...

Nta masomo mukeneye mu kwibungabungira umutekano, ni ukwibukiranya -Guverineri Gatabazi

Nta masomo mukeneye mu kwibungabungira umutekano, ni ukwibukiranya...

Urubanza rw’abo kwa Rwigara rwimuriwe ku wa gatanu tariki 13.10.2017

Urubanza rw’abo kwa Rwigara rwimuriwe ku wa gatanu tariki 13.10.2017

NEW POSTS
Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...

Twagiramungu Faustin Alias Rukokoma, yapfuye ahagaze

10-10-2017

Twagiramungu Faustin Alias Rukokoma, yapfuye ahagaze

Abafaransa baracyapfunda imitwe ku bijyanye n’indege ya Habyarimana

7-10-2017

Abafaransa baracyapfunda imitwe ku bijyanye n’indege ya Habyarimana

U Rwanda rwateye utwatsi amakuru ari muri Uganda avuga ko rushaka gufasha IGP Kale Kayihura kuzasimbura Museveni

6-10-2017

U Rwanda rwateye utwatsi amakuru ari muri Uganda avuga ko rushaka gufasha...

Kongere ya Amerika yatesheje agaciro ibirego Himbara na Major Higiro barega u Rwanda

4-10-2017

Kongere ya Amerika yatesheje agaciro ibirego Himbara na Major Higiro barega...