LATEST NEWS
Mu Rwanda
Paul Kagame akomeje kwiyamamariza muri Nyagatare, Gatsibo na Kayonza
Publish Date: samedi 22 juillet 2017
VISITS :1184
By Admin

Kuri uyu wa gatandatu tariki 22 Nyakanga 2017 , umukandida wa FPR Inkotanyi, Perezida Paul Kagame akomeje urugendo rwe mu bikorwa byo kwiyamamaza mu ntara y’Iburasirazuba mu turere twa Kayonza , Nyagatare na Gatsibo.

Abaturage bari bishimye cyane kandi bakomeje kuririmba indirimbo zirata ibigwi by’u Rwanda na Perezida Kagame mu gihe bari bategereje kumwakira.

Mu karere ka Gatsibo aho twabanje kugera bamutegereje ari benshi cyane aho ingeri zose z’abahaturiye bazindukiye kumwakira harimo abasaza, abakecuru, abana, urubyiruko, abagabo, ndetse n’abagore bose bishimiye uyu munsi wa karindwi wo kwiyamamaza k’umukandida wabo Paul Kagame bafata nk’aho ari ntagereranywa mu kubaka u Rwanda bifuza.

Mu karere ka Nyagatare naho ntabwo bigeze batangwa ibi birori kuko na bo bari bariraye kwibaba, babukereye biteguye kandi bishimye cyane nk’uko babigaragaza mu ndirimbo no mu mbyino.

Nyagatare Perezida Kagame yashimiye, abagize imitwe ya politiki ishyigikiye umukandida wa FPR Inkotanyi, nabo bamaze kuhashinga amabendera kandi bakomeje kwishimana n’ imbanaga y’abahateraniye baririmba, babyina banazunguza amabendera yabo yanditseho ngo ” Tora Paul Kagame Twubake u Rwanda twifuza”.

Ibikorwa byo kwiyamamaza bya Paul Kagame bikomeje kwitabirwa n’abanyarwanda benshi cyane kuva mu ntangiriro kugeza kuri iyi nshuro, aho abanyarwanda bakomeje kumuvuga ibigwi, barata ibikorwa by’indashyikirwa amaze kugeza ku baturarwanda.

Uko Nyagatare byari byifashe ninako byagenze mu Karere ka Kayonza aho abanyakayonza ibihumbi n’ibihumbi bari batagereje umukandinda Paul Kagame mu gihe yahasesekaraga abaturage bamwishimiye cyane Perezida Paul Kagame nawe ababwira ko ari umuturanyi wabo.

Aha mu Karere ka Kayonza Perezida Kagame yavuze ko yizeye intsinzi izamugeza kuri manda ya gatatu, yasabye Abanyakayonza kuzakorana na Leta azaba ayoboye, ati “Ndabasaba ngo mu myaka 4 izaba ikurikira itariki 4 Kanama izabe imyaka 7 nanone y’ubufatanye, y’ibikorwa.”

Kagame yavuze ko Abanyarwanda nibakomeza gukorana, nta muntu uzapima kunyeganyeza u Rwanda, ati “Igihugu cyacu tugomba kugikomeza ntikinyeganyege. Abashaka kukinyeganyeza bakabimenya kare ntibirirwe bagerageza.”

Uyu munsi Perezida Kagame yiyamamarije ahantu hane mu Ntara u’Iburasirazuba : habiri muri Nyagatare, i Gatsibo n’i Kayonza.

Kuri iki Cyumweru biteganyijwe ko aziyamamariza mu turere twa Kirehe, Ngoma na Rwamagana na two two mu Burasirazuba bw’igihugu.

BURASA J.G

IBITEKEREZO

TANGA IGITEKEREZO

Kwamamaza
Kwamamaza
Also in this section
Mugenzi Thabita Gwiza, Kayumba na Himbara mu mugambi wabo kwa Rwigara

Mugenzi Thabita Gwiza, Kayumba na Himbara mu mugambi wabo kwa...

Hategerejwe umwanzuro ku ifungwa n’ifungurwa ry’agateganyo ry’abo kwa Rwigara

Hategerejwe umwanzuro ku ifungwa n’ifungurwa ry’agateganyo ry’abo kwa...

Umugore wa Safi yasubiye muri Canada aho ni ubuhoro ! [ VIDEO ]

Umugore wa Safi yasubiye muri Canada aho ni ubuhoro ! [ VIDEO...

Itorero Zion Temple riramaganira kure inyandiko yitiriwe Apotre Gitwaza yandikiwe FPR

Itorero Zion Temple riramaganira kure inyandiko yitiriwe Apotre Gitwaza...

Impaka ndende no gutakamba mu rubanza rw’abo kwa Rwigara rwarangiye mu ijoro

Impaka ndende no gutakamba mu rubanza rw’abo kwa Rwigara rwarangiye mu...

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...

Perezida Kagame yakiriye ba Ambasaderi 11 barimo intumwa ya Papa Francis

13-10-2017

Perezida Kagame yakiriye ba Ambasaderi 11 barimo intumwa ya Papa...