LATEST NEWS
Mu Rwanda
Rwamagana : Abayisiramu bashima Perezida Kagame wabahaye ijambo ntibongera kwitwa Abaswayire
Publish Date: samedi 10 juin 2017
VISITS :358
By Admin

Abayoboke b’idini ya Islam bo mu karere ka Rwamagana, barashima Perezida Kagame wabahaye ijambo ntibongera kwitwa Abaswayire, bahamya ko nta wundi muyobozi babona ukwiye kuyobora u Rwanda.

Bavuga ko imiyoborere myiza ya Paul Kagame yatumye ubu bafite uburenganzira nk’abandi Banyarwanda mu myimerere nyamara mbere ya jenoside yakorewe Abatutsi aho umusiramu yabaga ari yitwaga Umuswayire.

Umwe muri abo bayisiramu yatangarije itangazamakuru ko Kagame na FPR/Inkotanyi batumye babona uburenganzira bwo kwisanzura mu gihe ubutegetsi bwa Repuburika ya mbere n’iya kabiri bwabangamiraga imyemerere yabo.

Agira ati “Twe dusanga nta wundi ukwiye kutuyobora uretse Paul Kagame wadusubije agaciro nyamara uhereye mu myaka ya 1960 Abayisiramu batwitaga Abaswayire ku buryo byaduteraga ipfunwe”.

Arakomeza agira ati “Twabujijwe amahirwe yo kwiga nk’abandi Banyarwanda ku buryo nta muntu utuye hano bitaga Buswayirini washoboraga kwiga, wasangaga akazi abasiramu bakora ari ubushoferi nyamara batananiwe kwiga nk’abandi banyarwanda”.

FPR/Inkotanyi na Perezida Kagame barashimwa, ati “ubu twishimira kuba dufite meya [umuyobozi w’akarere] w’umusiramu kandi yabonye amahirwe yo kwiga nyuma y’aho FPR/Inkotanyi ibohoreye igihugu, ubu twe nk’abasiramu tumaze kubaka umusigiti wa etage, twubatse ishuri ryiza ry’imyunga n’ibindi bikorwa duteganya a byose twabigezeho kubera imiyoborere ya Kagame waduhaye uburenganzira bungana n’ubw’abandi Banyarwanda”.

Si abayisiramu gusa bashima imiyoborere ya FPR/Inkotanyi na Perezida Kagame, n’abandi batuye muri Rwamagana bavuga ko hari ibikorwa remezo byinshi bagezeho, by’umwihariko ko Kagame atowe akongera kubayobora bagera ku byinshi ubu bafite mu mishinga.

Nzabamwita Vienney, ati “Hari ibikorwa remezo byagejejwe mu karere kacu harimo amashuri, amavuriro, imihanda amashanyarazi n’ibindi byinshi ariko murabizi twebwe Abanyarwamagana ari twe twabaye aba mbere, ubwo twasaba ko ingingo ya 101 yavugururwa tukabasha gutora Kagame.

Hari byinshi twifuza kugeraho, urabona akarere kacu ni akarere gafite ahantu heza ho gukorera ubukerarugendo bitewe n’uko dufite ibiyaga byakorerwaho ubukerarugendo, mu karere kacu imirenge myinshi ifite amashanyarazi ariko dukeneye ko hiyongera amazi nayo aracyari make.

Abaturage dufite inyota yo kugera kuri byinshi kandi dukeneye ko na siporo itera imbere nko mu mukino w’amagare ndetse n’umupira w’amaguru, dufite amakipe meza kandi dukeneye ibibuga by’imyidagaduro, dusanga tuzabigeraho kubera umuyobozi mwiza”.

Bafite ikizere ko Kagame azahagararira FPR Inkotanyi mu matora y’umukuru w’igihugu ateganyijwe muri Kanama kandi akanegukana intsinzi.

Umuyobozi w’umuryango wa FPR Inkontanyi mu karere ka Rwamagana, Mbonyumuvunyi Radjabu nawe yemeza ko Abanyarwamagana bafite impamvu ifatika yo gushaka ko Kagame akomeza kuyobora .

Agira ati “ABanyarwamagana bafite inyota yo gukomeza kuyoborwa na Paul Kagame, bitewe n’amaateka y’aka gace k’ubuganza abahatuye bagiye badahabwa amahirwe nk’abandi banyarwanda kuko wasanga ubutegetsi bwa mbere butarabahaga amahirwe yo kwiga, ubu hari byinshi bakomeje kugaragaza ko bamukeneye, bamutoye 100% ngo azahagararire FPR mu matora”.

Arakomeza avuga ko ikizere ari cyose ndetse ko ubu batangiye gushaka ahantu hagari ku buryo igihe azaba aje kwiyamamaza bizorohera abaturage kubona umukandida wabo Paul Kagame.

IBITEKEREZO
gisire

Rwamagana ntasoni koko ngo repuburika ya 1 niya 2 byarababangamiraga kweli muri bampemuke ndamuke. muri abaswayire nyine. muri antichrist. mwirirwa mwitega ibisasu mwamaze abantu none muragirango mubeshye babizere muze kutwica abaswayire ni abaswayire. ntimukavuge


TANGA IGITEKEREZO

Kwamamaza
Kwamamaza
Also in this section
Mugenzi Thabita Gwiza, Kayumba na Himbara mu mugambi wabo kwa Rwigara

Mugenzi Thabita Gwiza, Kayumba na Himbara mu mugambi wabo kwa...

Karegeya Alfred w’i Remera yateye agahinda gakomeye Ababyeyi

Karegeya Alfred w’i Remera yateye agahinda gakomeye Ababyeyi

Uko abo kwa Rwigara bakoze ibyaha bashinjwa

Uko abo kwa Rwigara bakoze ibyaha bashinjwa

Itsinda ryihariye ry’abapolisikazi bazajya kubungabunga ubutumwa bw’amahoro ryiteguye neza

Itsinda ryihariye ry’abapolisikazi bazajya kubungabunga ubutumwa bw’amahoro...

Hifujwe ko Anne na Diane baburana ukwabo na nyina ukwe

Hifujwe ko Anne na Diane baburana ukwabo na nyina ukwe

NEW POSTS
HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...

Perezida Kagame yakiriye ba Ambasaderi 11 barimo intumwa ya Papa Francis

13-10-2017

Perezida Kagame yakiriye ba Ambasaderi 11 barimo intumwa ya Papa...

Twagiramungu Faustin Alias Rukokoma, yapfuye ahagaze

10-10-2017

Twagiramungu Faustin Alias Rukokoma, yapfuye ahagaze