LATEST NEWS
Itohoza
Abava muri FDLR bose bagaragaza gucikamo ibice gukomeye
Publish Date: samedi 29 avril 2017
VISITS :2150
By Admin

Hashize igihe abari abarwanyi ba FDLR batahuka mu Rwanda bose batangaza ko uyu mutwe w’inyeshyamba uri mu marembera kubera umwiryane ndetse no gucikamo ibice gukomeye cyane cyane mu buyobozi bwawo.

Muri iyi minsi abayobozi ba FDLR bubuye amayeri yo gukoresha ubuhanuzi ngo bongere bagarure icyizere mu barwanyi babo ariko biragenda biba ibyubusa kuko bagenda bataha mu Rwanda abandi bagatorokera hirya no hino mu bihugu byo mu biyaga bigali kubera amabi bakoze muri Repubulika iharanira Demokarasi ya Kongo utibagiwe no mu Rwanda kuko abenshi bakuze muribo bagize uruhare muri Jenoside yakorewe Abatutsi muri 1994.

Uwari umurwanyi wa FDLR/FOCA, Lt Habyarimana David akaba yaratashye mu Rwanda avuga ko yari arambiwe amacakubiri ndetse n’ubuhanuzi butagerwaho atibagiwe no kumena amarasovy’inzirakarengane byose bikorwa n’abarwanyi ba FDLR.


Habyarimana David

Habyarimana David wari umuyobozi w’abashinzwe kurinda Col Bernard Rishirabake uzwi ku mazina ya “Shima Serge”, ubarizwa ahitwa Rwindi muri Rutshuru, yageze i Rubavu kuri uyu wa kabiri tariki ya 25 Mata 2017.

Lt Habyarimana avuga ko mu myaka yamaze muri FDLR ntacyo uyu mutwe wavuze cyabaye. Ikindi ngo ntiyigize aha amatwi ibitangazwa n’umunyarwanda wavuye muri Malawi waje guhanurira Brig Gen Omega ubusanzwe witwa, Ntawunguka Pacifique, amubwira ko bari hafi gutaha.

Avuga ko mu myaka 19 yari amaze muri FDLR hari ibintu byinshi ayinenga. Avuga ko nubwo FDLR ikoresha ubuhanuzi mu kugumana abarwanyi bayo, benshi bamaze kuyishiraho kubera kurambirwa ubuzima bubi. Abandi bigiriye mu mu mutwe wa CNRD wiyomoye kuri FDLR, ubu bakaba bari mu ntambara kandi bari basanzwe bakorana.

Muri 2016 umutwe wa FDLR wacitsemo ibice kugeza ubwo barwanyi bamwe biyemeje gushinga undi mutwe, CNRD (Conseil National pour le Renouveau et la Démocratie) nyuma y’igitero bagabye kigahitana abantu batanu muri Gicurasi 2016, biteza ubwumvikane bucye hagati y’umuyobozi wabo Victor Byiringiro n’icyegera cye, Col.Wilson Irategeka.


Byiringiro Victor

Uku gucikamo ibice kwa FDLR no kutunvikana gukomeye bisa n’aho ntacyo bizahindura ku ngengabitekerezo igenga imitwe yombi, ifatwa nk’igizwe n’abasize bahekuye u Rwanda muri Jenoside yakorewe Abatutsi ndetse inakomeje kubangamira uburenganzira bwa muntu mu mashyamba ya Repubulika iharanira Demokarasi ya Kongo.

Cyiza Davidson

IBITEKEREZO

TANGA IGITEKEREZO

Kwamamaza
Kwamamaza
Also in this section
Amwe mu mazina y’Abafaransa ashyirwa mu majwi mu guhanura Indege ya Habyarimana

Amwe mu mazina y’Abafaransa ashyirwa mu majwi mu guhanura Indege ya...

Umunya-Canada yahishuye uko yasahuwe n’umugore wa Safi nyuma y’igihe baryamana

Umunya-Canada yahishuye uko yasahuwe n’umugore wa Safi nyuma y’igihe...

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

Polisi yabeshyuje iby’itabwa muri yombi ry’umugandekazi wari muri...

NEW POSTS
HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Nta Himbara, nta shinge nta rugero

15-10-2017

Nta Himbara, nta shinge nta rugero

Perezida Kagame yakiriye ba Ambasaderi 11 barimo intumwa ya Papa Francis

13-10-2017

Perezida Kagame yakiriye ba Ambasaderi 11 barimo intumwa ya Papa...

Twagiramungu Faustin Alias Rukokoma, yapfuye ahagaze

10-10-2017

Twagiramungu Faustin Alias Rukokoma, yapfuye ahagaze

Abafaransa baracyapfunda imitwe ku bijyanye n’indege ya Habyarimana

7-10-2017

Abafaransa baracyapfunda imitwe ku bijyanye n’indege ya Habyarimana

U Rwanda rwateye utwatsi amakuru ari muri Uganda avuga ko rushaka gufasha IGP Kale Kayihura kuzasimbura Museveni

6-10-2017

U Rwanda rwateye utwatsi amakuru ari muri Uganda avuga ko rushaka gufasha...

Kongere ya Amerika yatesheje agaciro ibirego Himbara na Major Higiro barega u Rwanda

4-10-2017

Kongere ya Amerika yatesheje agaciro ibirego Himbara na Major Higiro barega...