LATEST NEWS
Itohoza
Akarimi keza ka RNC k’urupfu rw’Umwami Kigeli gahatse iki ?
Publish Date: mercredi 19 octobre 2016
VISITS :7248
By Admin

Mugihe mu gihugu no hanze yacyo bari mu gahinda ko kubura Umwami wategetse u Rwanda kuva kuwa 28 Nyakanga 1959.Abantu benshi bavuganye na Rushyashya muri iki gitondo cy’uwambere tatiki ya 17 Ukwakira, bakomeje kwibaza ikihishe inyuma y’itangazo ry’umutwe utavuga rumwe na Leta y ‘u Rwanda RNC, wabaye uwambere mu gushyira ahagaragara itanzazo ryo kwihanganisha umuryango w’Umwami Kigeli V Ndahindurwa, witabye Imana kuri iki cyumweru tariki 16 Ukwakira 2016, afite imyaka 80.



Kayumba Nyamwasa

Andi makuru ariko ava mu bitaro i Virginia aho umwami Kigeli Ndahindurwa yatangiye nuko bamwe mu bakozi b’ambasade y’u Rwanda , baba batabaye ndetse bageze no kwa muganga ngo barebe ubufasha batanga ubwo bari bamaze kumenyeshwa ko Umwami kigeli V Ndahindurwa amaze gutanga.

Nyakwigendera Umwami Kigeli Ndahindurwa

Kuva RNC yashingwa yagiye ishaka kwiyegereza Umwami Kigeli , ariko bikananirana , nkaho mu minsi ishize Major Robert Higiro akigera muri Amerika, ubuzima bwaramugoye cyane , Higiro wabanje kuba mu ishyaka RNC mu Bubiligi, aho yari umuzunguzayi wa za tapes avuga ko yari yategetswe kwica Kayumba, ariko izo tapes zateshejwe agaciro,aho bamenyeye ko ari Karegeya wari wazikozeho technique,dore ko yarabishoboye.

Major Robert Higiro

Major Higiro yavuye mu gihugu cy’u Bubiligi avuga ko ubuzima bwe buri mu kaga ashobora kwicwa n’abantu boherejwe na guverinoma y’u Rwanda, ahungira muri Amerika , aho kuri ubu afite akazi k’ubunyezamu kuri Federal Building, ategereje ko abona impapuro z’ubuhunzi kandi icyo yahunze I Bruxelles kitaramenyakana, cyane ko yabeshye ko umutekano we ari muke.

Major Higiro na David Himbara bombi bo mu ishyaka RNC, bafatanyije gushinga ikitwa “Democracy In Rwanda Now”,kuri ubu amafaranga y’inkunga babonye akaba amaze kubashirana niko kwigira inama yo kujya kureba Kigeli babifashijwemo n’ umucuruzi Pascal Munyampirwa wigeze kuba ny’iri Guest House Kibuye, wahunze igihugu ubu akaba aba muri Amerika, ari nawe ukuriye igice cya Kayumba muri icyo gihugu cya Amerika.

Amakuru twabashije kumenya n’uko mbere y’uko Umwami Kigeli " Atanga", ngo babanje kumusaba inkunga ndetse no kubashakira abaterankunga , abatera utwatsi ndetse abagereranya n’agatsiko k’amabandi.

Umwami Kigeli yakunze kwitirwa kuba mubikorwa bya Politiki bihungabanya umutekano ariko we akabihakana avuga ko nta Mwami utera u Rwanda. Hari n’abantu bagiye bafatirwa kubutaka bw’u Rwanda bitirirwa “ Ingabo z’Umwami” ariko hakabura gihamya yerekana koko ko ari ingabo z’Umwami Kigeli , aba bamwe bafatiwe mu Rwanda, kuri ubu bakaba bafungiye muri Gereza, aho bahamwe n’ibyaha byo guhungabanya umutekano.



Ngabo abafatiwe mu Rwanda bitwa Ingabo z’Umwami

Aba ni Ndererimana Norbert alias Gaheza, umugore witwa Kansime Assifati, Mutabaruka John, Niyonzima Ibrahim, Sibomana Ramadhan na Higiro Emmanuel
Mu rukiko rukuru, baburana, inteko yari iyobowe na Mugabo Piyo abagabo bane n’umugore umwe bahamijwe ibyaha byo kuba mu ngabo z’umwami zizwi ku izina rya AFRONADER INGABO Z’UMWAMI.

Urukiko rusoma umwanzuro w’urubanza rwavuze ko uyu Ndererimana yahoze mu mutwe wa FDLR akawuvamo akajya mu mutwe wa RUDI URUNANA nawo akaza kuwuvamo agashinga umutwe wa AFRONADER INGABO Z’UMWAMI cyangwa nanone ngo ziyita IMENAGITERO.

Umugore witwa Kansime Assifati WE wigeze kwibwirira urukiko ko ibyo yakoraga yabikoreshwaga n’amashitani, yahamijwe ibyaha bibiri aribyo kwinjira mu mutwe wa gisirikari ugamije gutera igihugu no kugirira nabi igihugu akoresheje iterabwoba.

Sibomana Ramadhan nawe afunze nawe ahamwe n’ibyaha bibiri byo kwinjira mu mutwe w’ingabo no gutegura umugambi wo kugirira nabi igihugu.

Bivugwa ko ubwo bafatwaga bari bamaze kubona amadolari y’amerika ibihumbi 6000 yo kubafasha kubaka uyu mutwe w’ingabo z’umnwami.

Uwitwa Issa Gasangwa umugabo wa Kansime ASSIFATI ngo yari afite impano yo kuzimika umwami naho Kansime we akaba ngo afite ubushobozi bwo gukorana n’indagu.

Twagiramungu Faustin

Birakekwa ko abanyapolitiki nka Twagiramungu Fausti na Kayumba Nyamwasa bashobora kwitwaza urupfu rw’Umwami Kigeli mu bikorwa bya Propaganda byo gusebya u Rwanda n’abayobozi barwo mugihe Umwami Kigeli yaba adashyinguwe mu Rwanda.

Cyiza Davidson

IBITEKEREZO
uwacu

twaramukundaga kandi nubu tuzakomeza tumukunde yatubereye imfura Kigeli wacu imana imuhe iruhuko ridashira igendere tuzahora tukuzilika twaragutegereje amaso yali yaaraheze mukirere imfura ntipfa iratabara nawe uradutabaliye uturamukirize bose

Ahmed Masudi Ntwari

Ba rusahurira mu nduru,RNC yose ishaje n'inshya baracuranwa

Mulinzi Paul

Ni impamo jyewe nikundira Rushyashya kuburyo mbere yo gusoma ibindi binyamakuru, mpera ku itiku ryanyu.Mu kugoreka inkuru muri aba mbere,ibyo mwanditse bimfasha kumva ikinyuranyo ;bivuze ko muvuga icyo bita "le contraire"mu gifaransa. Mwakwandika ku muntu mumuvuga amabi bigatuma noneho menya umugabo cyangwa umugore ushyira mu kuri.Nsoze mbashimira iyi nkuru y'itanga ry'umwami aho muduhishuriye ko bitabuza u Rwanda ibigwi mu guherekeza neza abantu babaye abakuru b'igihugu,ndetse mukaba muri gufata mu mugongo abahindiro !!!Mukaba kandi muri mu kiliyo n'ubwo amabendera akimanitse,munategereje ko umwami ashyingurwa mucyubahiro i Mwima. Murakarama.

Joseph

IkiKinyamakuru ntamakuru mazima gitanga. Sorry kabisa ! Kuzajye gitanga nibura amakuru ya Sport, n'aho ayaPolitic ntayobazi.

madame

aliko nkabanyamakuru mwagiye mwitondera amagambo uraphuye abanyarwanda twese nitwe tuzi icyo duhombye

Ruhago

Ariko RNC yo nigiki ?maco yinda ngaho baravugakarimi keza kumwami abandi baraburanira abahutu yewe nta ARC nta FDLR ubanza haricyo bapfana.abanyapolitike bamera nkumwana ushyira ikiganza mumasohe akumvako ntawumureba !!!

Hadassa

Ntimukomeze kubeshya !!! Umuntu WA mbere watangaje ko UMWAMI yatanze ni Albert WA Contact FM KURI Twitter Ye....aba kabiri ni IGIHE.COM MWABAYE MUTE ARIKO ???

Nkundimana Charles

Ariko Mr Burasa ushobora kuba ukora akazi udasobanukiwe cyangwa ukibwira uko abo ubwira turi injiji.none se ko u vuga ko RNC yakurira kurupfu rwa Kigeri kandi yari isanzwe iriho ikindi uti major yasabaga inkunga umwami none se umwami ko yafashwaga nkizindi mpunzi zitishoboye bamusabaga inkunga nawe ntako ameze ?ndacyakubaza ko u vuga ko umwami yataga amabandi abo muri RNC uti ntiyatera u rwanda none ko bafashe ingabo ze ?uti ba Twagiramungu bakuririra ku rupfu rw'Umwami none se aho buririraga hagiyehe ? Ku nkuru ya depite Bamporiki na Byabarumwanzi ko mbona usa nugaragaje ko harimo amacakubiri, ndabona bitoroshye gusa sinari nzi ko Munyampirwa Pascal nawe yahunze


TANGA IGITEKEREZO

Kwamamaza
Kwamamaza
Also in this section
Bidasubirwaho UTC ya Rujugiro iratezwa cyamunara muri uku kwezi

Bidasubirwaho UTC ya Rujugiro iratezwa cyamunara muri uku kwezi

Haburijwemo umugambi wo kugera ku nyandiko za Mitterand zivuga kuri Jenoside yakorewe Abatutsi

Haburijwemo umugambi wo kugera ku nyandiko za Mitterand zivuga kuri...

Nyuma yo kuvugwaho kwivanga muri politiki y’u Rwanda Michael Ryan yasimbujwe

Nyuma yo kuvugwaho kwivanga muri politiki y’u Rwanda Michael Ryan...

Umuzamu wa Rayon Sports yitabye Imana bitunguranye

Umuzamu wa Rayon Sports yitabye Imana bitunguranye

NEW POSTS
’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...

Financial Times : Perezida Kagame yagarutse ku buryo yinjiye igisirikare, uko yavuye mu ishuri muri Amerika n’amasomo byasize

4-09-2017

Financial Times : Perezida Kagame yagarutse ku buryo yinjiye igisirikare,...