LATEST NEWS
Itohoza
Gisagara : Umunyeshurikazi witabye Imana azize asima, biravugwa ko yimwe uruhushya rwo kujya kwivuza
Publish Date: jeudi 4 mai 2017
VISITS :1800
By Admin

Kuri uyu wa 3 Gicurasi 2017 nibwo hamenyekanye amakuru avuga ko umunyeshuri witwa Noélla Cyuzuzo wigaga muri Collège Immaculée Conception Save yitabye Imana ku mugoroba wo ku wa Kabiri ariko urupfu rwe rwateje urujijo mu bantu aho bivugwa ko yari yimwe uruhushya rwo kujya kwivuza.

Amakuru y’urupfu rw’uyu munyeshuri yatangiye kuvugwa ku mbuga nkoranyambaga kuri uyu wa Gatatu tariki ya 03 Gicurasi 2017, aho bamwe bavugaga ko yasabye uruhushya ku ishuri kugira ngo ajye kwivuza ariko ubuyobozi bw’ikigo bukarumwima bikamuviramo kwitaba Imana.

Mu gitondo cyo kuri uyu wa Kane ariko hakavugwa n’andi makuru uyu yitabye Imana amaze kugezwa mu bitaro ndetse ko yazize asima.

Noélla Cyuzuzo [ RIP ]

Ubuyobozi bwa Collège Immaculée Conception Save, aho Cyuzuzo yari asanzwe yiga buvuga ko ibivugwa ku mbuga nkoranyambaga ntaho bihuriye n’ukuri kuko uwo mwana w’imyaka 17 y’amavuko yari asanzwe afite ikibazo cy’uburwayi mu myanya y’ubuhumekero, akaba yaritabye Imana yamaze kugezwa ku bitaro bikuru bya Kaminuza, CHUB.

Umukozi ushinzwe icungamutungo, Soeur Mathilde Tuyishimire, yabwiye IGIHE dukesha iyi nkuru ko uwo mwana yari asanzwe afite indwara ya ‘asima’, yakundaga kumufata bitunguranye bityo bakaba bahitaga bamujyana ku bitaro.

Noélla Cyuzuzo wigaga muri Collège Immaculée Conception Save

Ati “Yafashwe nka saa mbiri na cumi n’itanu z’umugoroba bageze ku meza aho barira, kuko n’ubundi yari asanzwe afite ikibazo cya asima kuko yarayivukanye, iyo yafatwaga twahitaga tumujyana ku bitaro bya CHUB. Ubwo rero akimara gufatwa twahise duhamagara ambulance ajyanwa kwa muganga, yapfiriye kuri CHUB barimo bamwongerera umwuka.”

Soeur Tuyishimire avuga ko kuri ubu umuyobozi w’ishuri hamwe n’abandi barimu ndetse na bamwe mu banyeshuri bagiye mu gikorwa cyo gushyingura uwo mwana ku ivuko i Nyamata mu Karere ka Bugesera.

Source : Umuryango.rw

IBITEKEREZO
fils

abihaye imana niko bamera ngo bazi kurera ye !!!!

dedi

Nukuribirababaje peee . .gusa nanjye ndanenga cyane Imyitwarire yababikira kubanyeshuri biga mubigo babereye abayobozi. kubijyanye nokwanga kuvuza abana cyangwa ngobemerere ababyeyi kuvuza abana babo hakirikare. urugero Ecole du verb ririkibeho mwishywa wanjye yahimuwe kubera igifu cyarikigiye kumuhitana mubyukuri ibigobyabihaye Imana bisubireho rwose. umuryango wabuze uwabo nibakomeze kwihangana.

mayora

Uwacu yagiye, ariko hagire igikorwa mu gufasha abandi bana ntihazagire umwana wongera gutinda kuvuzwa ari ku ishuri. Ababikira bareke umuco wo gufata umwana urwaye wese nk'uwirwaza ibyo uwizeyo wese yagira icyo abyemezaho, keretse utarigeze arwara ariyo,ariko yaba yarabonye abarwaye bagahura n'ibibazo.. MINEDUC ifate ingamba, umwana wese ukeneye kuvugana n'ababyeyi ajye yemererwa bidatinze bavugane. Sinshyigikiye ko abana bigana phones ariko bavugishe ababyeyi ku y'ikigo kigomba gushyiraho. Ibiyoborwa n'abafurere n'abapadiri kandi ari abagabo ko ibi bibazo bitahaba ? Ni benshi bamaze kubura ubuzima muri ubu buryo. Mwibuke na Melissa IKIREZI waguye muri Stella Matutina i Shyorongi. Cyuzuzo nawe nk'uko byagenze kuri Melisa yagejejwe CHUB yashizemo umwuka kare. Ibi ni ukuri.

hirwa

Ibyo bigo by'abihayimamana mubirebe neza bizatumaraho abana kubera kwanga ko ababyeyi bavuza abana babo kandi bigaragara ko ntacyo bashobora kubamaririra. Bikokongeraho n'agasuzuguro kenshi no kwishongora ku babyeyi. Urugero ni kuri Groupe Scolaire indatwa n'inkesha na Lycée Notre Dame de la Conception de Rulindo hari abababikira basuzugura birenze.

Emmy

twihanganishije umuryango we mukomere imana ikomeze kubambika imbara ibabe hafi muribibihe bitoroshye imana imwakire mubayo


TANGA IGITEKEREZO

Kwamamaza
Kwamamaza
Also in this section
Umunyarwanda akurikiranyweho kubeshya inzego za Amerika asaba ubuhungiro

Umunyarwanda akurikiranyweho kubeshya inzego za Amerika asaba...

Urujijo k’ Urupfu rw’Umupolisi w’u Rwanda wirasiye muri Centrafrique

Urujijo k’ Urupfu rw’Umupolisi w’u Rwanda wirasiye muri Centrafrique

Kubera urukundo, asuka amarira iyo abonye Perezida Kagame

Kubera urukundo, asuka amarira iyo abonye Perezida Kagame

Hanze y’igihugu haracyari indashima nyuma y’imyaka 23 Leta y’ubumwe bw’abanyarwanda igiyeho

Hanze y’igihugu haracyari indashima nyuma y’imyaka 23 Leta y’ubumwe...

Lt Gen Karenzi Karake na Maj. Gen Jack Nziza mu basirikare bakuru basezerewe

Lt Gen Karenzi Karake na Maj. Gen Jack Nziza mu basirikare bakuru...

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...