LATEST NEWS
Itohoza
Ibaruwa ifunguye Paulo V yandikiye Me. Evode Uwizeyimana ku kibazo cyo gushotora Musenyeri Nzakamwita.
Publish Date: mardi 20 décembre 2016
VISITS :8526
By Admin

Nyakubahwa Munyamabanga wa Leta ushinzwe itegeko Nshinga n’andi mategeko, ndagusuhuje ! Mbere ya byose mbanje kukwifuriza kuzasohoza neza inshingano nshya uherutse guhabwa na Leta y’u Rwanda.

Njyewe umwanditsi Paulo V (Utari intumwa yo muri Bibiliya) maze kubona uburyo rubanda rwashavujwe n’imvugo ikarishye wakoresheje igihe mwari mu nama ya 14 y’umushyikirano kuwa 16/12/2016, ubwo mwasubizaga Musenyeri Nzakamwita Slyverien, nahise nifuza kukwandikira ibaruwa ifunguye kugira ngo nkubwire agahinda mfite.

Nyakubahwa, ubusanzwe tuzi ko muri Sosiyeti Nyarwanda dukunze kurangwa n’ubwubahane ndetse n’ubupfura mu rwego rwo kurushaho kubaka “UMURYANGO” nyarwanda ufite ejo heza kandi uzira amakemwa. Iyi ngingo nkeka dushobora kuba tuyemeranyaho.

Natangajwe cyane n’uburyo mwasubije “UMUBYEYI” ufite inshingano zo kuyobora imiryango ibihumbi n’agahumbagiza muri Diyoseze ya Byumba. Mbere yo gukomeza iyi baruwa yanjye, Nyakubahwa, nifuzaga kukwibutsa yuko muri Kiliziya ubusanzwe Umusasaridoti afatwa nk’umubyeyi mu muryango wa Gikristo, bityo mu nshingano ze za buri munsi akaba agomba gukemura ibibazo binyuranye biri mu miryango kuko aba yarabihuguriwe ku rwego rw’isanamitima “Counselor” Ibi bituma amenya amabanga y’ibibera mu ngo nubwo rwose aba ari mu buzima bwo kubaho nta mugore cyangwa se umwana yabyaye.

Mbere yo gukomeza kandi, reka nkwibutse ikindi kintu :

Sinzi niba ukunze kujya mu misa ariko nyemerera nkwibutse ivanjiri Yezu yigeze guha abigishwa be. Yarababwiye ati “Mbere yo kuvuga ijambo iryo ari ryo ryose, jya ubanza ukarage ururimi rwawe inshuro ndwi” Nagusabaga ko wasoma iri vanjiri muri Bibiliya yawe (Niba utayifite cyangwa se utayemera, nagutiza iyanjye ukarisoma) kuko no mu bihe bitaha hari icyo byazagufasha.

Nyakubahwa, natunguwe no kubona muvuga amagambo nk’ariya mutabanje byibuze gukaraga ururimi rwanyu inshuro 2 zonyine. Nk’umunyamategeko, nkeka ko mwaba mwarihuse mu mvugo nk’iriya isuzuguza, itesha agaciro umubyeyi twese twubaha kandi ufatiye runini Umuryango Nyarwanda.

Ku bwanjye ndamutse mbonanye nawe, nagusaba ko wazajya kwicara mu ntebe ya “PENETENSIYA” ukicuza iby’imvugo yawe benshi bise “Nyandagazi” maze ugahabwa umugisha wa Kiyobozi ndetse ukanahugurirwa kujya ubanza gukaraga ururimi aho biri ngombwa.

Nyakubahwa, iyo usesenguye amagambo wakoresheje, usanga arimo ukutamenya uwo wabwiraga ndetse n’umumaro afitiye igihugu. Nakwibutsaga ko ibyo Musenyeri yavuze byose, ari ikibazo gihangayikishije Umuryango nyarwanda muri iki gihe, ku buryo haramutse hafashwe ingamba zikomeye kuri cyo, twakwizera ko ejo h’urubyiruko rw’u Rwanda haba ari heza kurushaho.

Ntizimbye mu magambo, nasoza nkubaza nti ;

Ese kuba twagira umutekano usesuye ariko tudafite umuryango muzima utarangwa n’ikinyabupfura, uburere ndetse n’indangagaciro za kirazira twaba tugana he ?

Nsoje nkushimira uburyo urantiza umwanya wawe ugasoma iyi baruwa kuko nzi neza y’uko uba ufite imirimo myinshi.

Nkwifurije kuzagira iminsi mikuru myiza ya Noheli n’Ubunani.

Imana iguhe umugisha.

Umwanditsi Pawulo wa 5.

IBITEKEREZO
Kana David

Ubupfura ni ngombwa muri byose kabone n'iyo waba utemeranya n'uwo ubwira. Diplomatie ya Evode ingana n'uburere yifitemo kandi sinkeka ko abuhuje na benshi mu banyarwanda yashatse kuvugira. Uko Perezida wa Sena yashimangiye igisubizo cyatanzwe na Minisitiri ufite Umuryango mu nshingano biraboneye, kubitindaho (ibya Evode) ni uguta igihe .

Karenzi

Ariko murasetsa mwa bantu mwe !!! Evode yavuze ko "u Rwanda ruyobowe n'agatsiko k'abicanyi n'amabandi" ... bucya bamugize umunyamabanga wa Leta. Ubwo atutse Musenyeri buracya bamugize MINISTER ... Johnson BUSINGYE abe yiteguye gutanga intebe !!!

tutu

ARIKO UBWENGE MUTWERERA EVODE NI UBWENGE NYABAKI ? IBYO AKORA BITANGAJE NI IBIKI URETSE KURYONGORA. KUMENYE IMANA NIBWO BWENGE KANDI KUVA MUBYAHA NIKO KUJIJUKA

NSHIZIRUNGU JEAN DAMOUR

UWOMUYOBO ZI ARWAYE MUMUTWE UMUNTU USEBYA MUSENYERI BENA AKAKAKAGENI AKWIYE KUVAKUBUYOBOZI

Kwizera Innocent

Ibyo Evode avuga nukuri n'uko abanyarwanda turi hypocrite umuco wacu ukaba ari hypocrisie. Musenyeri ibyo avuga nibyo ariko aragereka kuri leta icyaha cy'umutekano mucye uri mungo muburyo bw'ubuhanga. Niba mungo hari ibibazo kiliziya ibifitemo uruhare kuko ariyo atambukwamo n'abaturage benshi buri cyumweru kuruta ibiro byu turere. Yakoze iki kuri icyicyibazo. Niki gituma mungo hari ibibazo ? Ubukene. ubusambanyi. uburere buke. Ibi bibazo byose birareba nde ? Birareba abahura n'abantu benshi kandi mpamwako ari abakorera imana . Evode iyo abaza musenyeri ko kiriziya ariyo inyuramo abantu benshi buri cyumweru kurusha ibiro by'uturere ndetse na police yakoze iki kuri icyi kibazo ?

Mbarubukeye

Hahaha nonese yarabeshe musenyeri amenya ibyabashakanye ate ? Kiriziya itinda mubintu bidafite akamaro aho gucara ngo isabe imbabazi zabana bayo bahemutse inatange icyiru nkicyo ijya ica abakosheje ahubwo iri kuvuga ibindi evode we yakosheje kubahuka umusaza nkuriya gusa yavuz ukuri

eric

evode ndiwe nafata akaruhuko nkashaka abaganga bavura mumutwe bakamusuzuma bakareba kuko burigihe iyo avuga ndamwitegereza nkimyoza nkanibazako nuwamwimitse icyo yakurikije

kk

Me Evode yavuze ukuri, kubibazo byavuzwe nikihe gisubizo yatanga, mbaze iyi ntumwa ya papa ko utagaragaza uruhare rwa kiliziya muri genocide yakorewe abatutsi 1994, kandi ugahera mu mateka, aho mwaje mwikubira Ubutaka bwu Rwanda mujya Ku bwandikisha I Roma, ubu u Rwanda twarahumutse

Paul Rwigamba

Ni uko biza ngo ni Malariya. Njye ndi Evode nakurira iyihuta inzira zikigendwa !

Karambizi Anaclet

Birababaje kubona abantu bakinisha invugo zo gusebanya (amatiku) Nina Evode mwemera ari umuyobozi wagiriwe icyizere name Perezida wacu kuki musuzugura Evode aka kageni mubeshyeye Bibiliya muyitiza amatiku yanyu ngo" Nujya kuvuga ubanze uzunguze ururimi rwawe karindwi mukanwa ? " Ibyo wabisomye he wowe usugura umuyobozi nka Evode ? Ndakumenyesha ko iyi baruwa ifunguye wanditse iteye isoni nawe uteye isoni. Birababaje kubona mudafite umutima w'ubworoherane. Perezida Kagame Paul uracyafite akazi. Komeza uyobore haracyari benshi batarumnva ivangili wigisha abanya Rwanda . Evode ndamuzi ijambo yavuze yariyaritekerejeho, niba ryakomerekeje benshi ninfura nziko azibwiriza agasaba imbabazi, nibya umutima nama we umucira urubanza. N.B. iryo jambo ntaho ryanditse muri Bible.

Bingwa

Byantwaye akanya ariko ngera ku bitutsi EVODE yatutse igihugu akiri iyo, gusa nta gitangaza akabaye icwende ntigacya na rimwe... https://youtu.be/L2_3p1Qsg_A

Bernard

Muramubwiye, gusa nawe azi inzira azakoresha yigorora n'uwo yubahutse. Imana izabimufashemo

kamagaju agnes

impamvu Evode yanga kobivugwa nuko ibyinshi babigizemo uruhare nicyo kibaranga

kamagaju agnes

Yewe U Rwanda twagize ibibazo gusa. mbanje kubasuhuza banyarwanda muvuka i Rwanda. njyewe nyimara kubona ibyo Umunyamabanga wa Reta Nyakubahwa Evode yavuze ashaka kumvikanisha amavamuhira asenya NYIRICYUBAHIRO NZAKAMWITA SELVELIAN ntagize ubwoba nikoko ishyano liragwa ndasaba Ababifitiye ububashya gusaba Evode agasaba imbabazi abanyarwanda kuko yavuze urukoza soni asuzugura umusaza twese twubaha mubunararibonye ahabwa kandiafite.

Safe

Uyu mugabo ufite ikinyabupfura gicye nka kijya cy'abashumba bo ku bwa HABYARIMANA agomba kumenya ko u Rwanda rufite abayobozi barangwa no kubaha. Niba atabishoboye azisubirire kuri BBC ajye yirirwa yitotomba ejo adatuka n'abanyamahanga kuko ibisigisigi byanze kumuvamo.

Cacana

Evode nawe sishyashya. Kuko ntiyarakwiriye kuvuga ariya magambo !

Lion

Evode ndamushima ! gusa yavuze ukuri mugihe kidakwiye !

SHANKURU

Evode ateye agahinda. Nakomeze yitakume kugeza ubwo azakoza urutoki mujisho ry'umwami. Ahaaaa !

Kaba

Hello Jye ubundi nkurikije ibigambo biva mu kanwa ka Evode "mwibuke agatsiko k'amabandi " nibutse ahantu yanditse ngo akunda kunyunyuza utubere ,nibutse ukuntu azi gucyocyorana no kuvuga amagambo mabi nk'umushumba !! Nsanga atabereye ubuyobozi bityo numva nk'abanyarwanda twababajwe no kutarangwa n'ubupfura akubahuka umuntu mukuru kuriya (Niyo ataba Mgr) Evode yegure cg ahabwe akazi ko kuyobora center ya IWAWA niko baberanye .

Kayumba isidore

Me' Evode ni intiti azi ubwenge rwose. Ariko gutinyuka muruhame ukavuga amagambo nk'ariya uri umuyobozi mu rwego nka ruriya, rwose wahemukiye umuryango na reta yari yamutumiye. Evode yashimangiye ya nvugo ye ngo reta ya Kigali ni reta y'amabandi. .

1 | 2 | 3

TANGA IGITEKEREZO

Kwamamaza
Kwamamaza
Also in this section
Ukuri ku ihanurwa ry’indege ya Habyarimana : Kwivuguruza kw’Abatangabuhamya

Ukuri ku ihanurwa ry’indege ya Habyarimana : Kwivuguruza kw’Abatangabuhamya

Ibyo utamenye ku mukobwa uvuga ko yasambanyijwe n’ umuyobozi wa AMIR

Ibyo utamenye ku mukobwa uvuga ko yasambanyijwe n’ umuyobozi wa...

Nyagatare : Umupolisi yarashe umumotari ahita apfa

Nyagatare : Umupolisi yarashe umumotari ahita apfa

Hashyizweho igihembo ku muntu watanga amakuru yakuza Perezida Trump ku butegetsi

Hashyizweho igihembo ku muntu watanga amakuru yakuza Perezida Trump ku...

NEW POSTS
Madame Jeannette Kagame yasobanuye aho ubumwe bw’Abanyarwanda bwavuye

23-10-2017

Madame Jeannette Kagame yasobanuye aho ubumwe bw’Abanyarwanda...

Mugenzi Thabita Gwiza, Kayumba na Himbara mu mugambi wabo kwa Rwigara

20-10-2017

Mugenzi Thabita Gwiza, Kayumba na Himbara mu mugambi wabo kwa...

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...

Perezida Kagame yakiriye ba Ambasaderi 11 barimo intumwa ya Papa Francis

13-10-2017

Perezida Kagame yakiriye ba Ambasaderi 11 barimo intumwa ya Papa...