LATEST NEWS
Itohoza
Masaka : Bafunganywe n’abana babo kubera babuze ubwishyu.
Publish Date: mardi 5 septembre 2017
VISITS :1039
By Admin

Abarenga 30 bafungiye mu bitaro bya Masaka mu karere ka Kicukiro kubera ko bahawe serivisi z’ubuvuzi ntibishyure.

Aba baturage bivurije mu bitaro bya masaka barangije babura ubwishyu bategekwa kutava mu bitaro kugeza igihe bazaba bamaze kwishyura.

Muri aba baturage bategetswe kudasohoka mu bitaro harimo abishyuzwa amafaranga ari hejuru y’ibihumbi magana atanu (500000RWF) y’u Rwanda, bose bahuriza ku kibazo cy’ubukene ko aricyo cyatumye batabasha kubona amafaranga yo kwishyura, ikindi nuko aba bivuje nta mituweli de sante bagira.

Marcel Uwizeye umuyobozi w’ibitaro bya Masaka yatangaje ko koko aba baturage batemerewe kuva mu bitaro kugeza ubwo bazaba bamaze kwishyura gusa avuga ko imvugo ikoresha yuko bafunze atari nziza.

Yakomeje avuga ko iki kibazo gishingiye ku myumvire y’abaturage ko serivisi z’ubuvuzi kwa muganga batazishuyura abandi bakaba bafite ikibazo cy’ubushake buke kuko bamwe muri bo batangiye bavuga ko nta mafaranga nyuma bakaza kwishyura.

Mu gihe ibitaro bivuga ko aba baturage bitazemera ko basohoka batisyuye, bamwe mubo twaganiriye badutangarije ko bo ntacyo bakora keretse ibitaro ngo nibibaha akazi bakazajya bakoropa kuko ntaho babona ho kuvana ayo mafaranga yo kwishyura abandi bavuga ko bizeye ko Imana izabacira inzira bakabona aho bakura ayo mafaranga kuko bo ntaho bayavana bakaba bakomeje batangaza ko babayeho kuri Mana mfasha kuko n’ibyo kurya bibatunga mu gihe bakiri ku bitaro babizanirwa n’abagiraneza.

Ibitaro bya Masaka biri mu ihurizo ryo gushaka amafaranga y’abaza kwivuza batagira mituweli umuyobozi wabyo avuga ko bibangamye kugumana abavuye mu bitaro bagakira kuko ari abantu ubona basilimutse banakomeye kandi basobanukiwe ikindi nuko abana babo badakwiye kuguma mubitaro ngo bahatinde kandi barakize kuko bashobora kuhagirira izindi ngaruka ariko akavuga ko nabo nta bundi buryo babigenza kuko nabo ntaburyo basobanurira umugenzuzi w’Imari aho miliyoni zigera ku ijana na mirongo ine(140) zagiye akaba yavuze ko hakenewe ubufatanye n’inzego zose .

Mu kwezi kwa karindwi ibitaro bya Masaka byahombye miliyoni cumi nimwe (11),kubera abantu bivuje ntibishyure, mu kwezi kwa munani gushize abantu 37 bagombaga kwishyura miliyoni 2.5 ariko ibitaro byabonye ibihumbi 760 gusa.

Mu myaka itanu ibitaro bimaze bikora bimaze guhomba miliyoni zisaga 140 z’amafaranga y’u Rwanda, benshi mu badafite ubwisungane mu kwivuza bavuga ko batigeze bashyirwa mu byiciro by’ubudehe abandi nabo bavuga ko babuze amafaranga yo kwishyura kugira ngo babone Mituweli.

Ibitaro bya Masaka byakira abaturage ibihumbi bitanu (5000) buri kwezi, ikibazo cy’abahabwa serivisi mu bitaro kimaze iminsi cyumvikana hirya no hino mu bitaro byo mu Rwanda no bigo nderabuzima bya leta, Minisiteri y’ubuzima iri gukusanya amakuru y’abavurwa mu bitaro hirya no hino mu gihugu ariko ntibishyure serivisi z’ubuvuzi.


Norbert Nyuzahayo

IBITEKEREZO

TANGA IGITEKEREZO

Kwamamaza
Kwamamaza
Also in this section
Amateka ya Perezida wa Koreya ya Ruguru wakuriye mu buzima bw’ibanga, uri guca amarenga y’intambara ya gatatu y’Isi

Amateka ya Perezida wa Koreya ya Ruguru wakuriye mu buzima bw’ibanga, uri...

Kayumba Nyamwasa arakoresha Sande Charles mu bikorwa byo guhiga abitwa abanzi ba RNC

Kayumba Nyamwasa arakoresha Sande Charles mu bikorwa byo guhiga abitwa...

Pasiteri Maggie Mutesi yishwe anizwe- Iperereza rya Polisi

Pasiteri Maggie Mutesi yishwe anizwe- Iperereza rya Polisi

Perezida wa Koreya ya Ruguru yiyemeje kunganya ingufu za gisirikare n’iza Amerika

Perezida wa Koreya ya Ruguru yiyemeje kunganya ingufu za gisirikare n’iza...

USA : Perezida Paul Kagame yitabiriye inama ngarukamwaka ya ’ The Nantucket Project ’

USA : Perezida Paul Kagame yitabiriye inama ngarukamwaka ya ’ The Nantucket...

NEW POSTS
Mpayimana agiye kwiyamamariza kuba umudepite nyuma yo gutsindwa amatora ya Perezida

22-09-2017

Mpayimana agiye kwiyamamariza kuba umudepite nyuma yo gutsindwa amatora ya...

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’